Bu kitabda toplanan xatirələr Abbas Mirzə Şərifzadənin dostlarının, yoldaşlarının, tamaşaçıların onu unutmadıqlarını, onunla bağlı kiçik bir hadisəni, sevilməz bir epizodu belə əziz tutduqlarını göstərir. Bunlar hələ ilk xatirələrdir. Onlar Abbas Mirzə haqqında deyiləcək sözün, yazılacaq kitabın bəlkə də başlanğıcıdır. Lakin bu xatirələri böyük bir təşəkkür hissilə nəşr edərkən biz inanırıq ki, yaxın gələcəkdə bu xatirələr daha da genişləndiriləcək, Abbas Mirzə haqqında təsəvvürün zənginləşməsinə kömək edəcəkdir.
