The Entail. John GaltЧитать онлайн книгу.
him off frae his inheritance! When my grandfather brake on account o’ the Darien, then it was that he lost his inheritance. He’ll get frae me a’ that I inherited frae our forbears, and may be mair; only, I’ll no alloo he has ony heritable right on me, but what stands with my pleasure to gie him as an almous.’
‘But consider, he’s your own firstborn?’ —
‘Weel, then, what o’ that?’
‘And it stands with nature surely, Mr. Walkinshaw, that he should hae a bairn’s part o’ your gear.’
‘Stands wi’ nature, Mr. Keelevin? A coat o’ feathers or a pair o’ hairy breeks is a’ the bairn’s part o’ gear that I ever heard o’ in nature, as the fowls o’ the air and the beasts o’ the field can very plainly testify. – No, no, Mr. Keelevin, we’re no now in a state o’ nature but a state o’ law, and it would be an unco thing if we did na make the best o’t. In short, ye’ll just get the settlements drawn up as soon as a possibility will alloo, for it does na do to lose time wi’ sic things, as ye ken, and I’ll come in wi’ Watty neest market day and get them implemented.’
‘Watty’s no requisite,’ said Mr. Keelevin, somewhat thoughtfully; ‘it can be done without him. I really wish ye would think better o’t before we spoil any paper.’
‘I’m no fear’t about the paper, in your hands, Mr. Keelevin, – ye’ll do every thing right wi’ sincerity, – and mind, an it should be afterwards found out that there are ony flaws in the new deed, as there were in the auld, which the doited creature Gibby Omit made out, I’ll gar you pay for’t yoursel; so tak tent, for your own sake, and see that baith Watty’s deed and mine are right and proper in every point of law.’
‘Watty’s! what do you mean by Watty’s?’
‘Have na I been telling you that it’s my wis that the Plealands and the Grippy should be made one heritage, and is na Watty concos mancos enough to be conjunct wi’ me in the like o’ that? Ye ken the flaw in his grandfather’s settlement, and that, though the land has come clear and clean to him, yet it’s no sae tethered but he may wise it awa as it likes him to do, for he’s noo past one-and-twenty. Therefore, what I want is, that ye will mak a paper for him, by the whilk he’s to ’gree that the Plealands gang the same gait, by entail, as the Grippy.’
‘As in duty bound, Mr. Walkinshaw, I maun do your will in this business,’ said Mr. Keelevin; ‘but really I ken na when I hae been more troubled about the specialities of any settlement. It’s no right o’ you to exercise your authority oure Watty; the lad’s truly no in a state to be called on to implement ony such agreement as what ye propose. He should na be meddled wi’, but just left to wear out his time in the world, as little observed as possible.’
‘I canna say, Mr. Keelevin, that I like to hear you misliken the lad sae, for did na ye yourself, with an ettling of pains that no other body could hae gane through but yoursel, prove, to the satisfaction of the Fifteen at Edinburgh, that he was a young man of a very creditable intellect, when Plealands’ will was contested by his cousin?’
‘Waes me, Mr. Walkinshaw, that ye should cast up to me the sincerity with which I did but my duty to a client. However, as ye’re bent on this business, I’ll say na mair in objection, but do my best to make a clear and tight entail, according to your instructions – trusting that I shall be accounted hereafter as having been but the innocent agent; and yet I beg you again, before it’s oure late, to reflect on the consequence to that fine lad Charlie, who is now the head of a house, and in the way of having a family – It’s an awfu’ thing ye’re doing to him.’
‘Weel, weel, Mr. Keelevin, as I was saying, dinna ye fash your thumb, but mak out the papers in a sicker manner, – and may be though ye think sae ill o’ me, it winna be the waur for Charlie after a’s come and gane.’
‘It’s in the Lord’s power certainly,’ replied the worthy lawyer piously, ‘to make it all up to him.’
‘And maybe it’s in my power too, for when this is done, I’ll hae to take another cast o’ your slight o’ hand in the way of a bit will for the moveables and lying siller, but I would just like this to be weel done first.’
‘Man, Laird, I’m blithe to hear that, – but ye ken that ye told me last year when you were clearing the wadset that was left on the Grippy, that ye had na meikle mair left – But I’m blithe to hear ye’re in a condition to act the part of a true father to a’ your bairns, though I maun say that I canna approve, as a man and a frien’, of this crotchet of entailing your estate on a haverel, to the prejudice of a braw and gallant lad like Charlie. Hows’ever, sin’ it is sae, we’ll say nae mair about it. The papers will be ready for you by Wednesday come eight days, and I’ll tak care to see they are to your wish.’
‘Na, an ye dinna do that, the cost shall be on your own risk, for the deil a plack or bawbee will I pay for them, till I hae a satisfaction that they are as they ought to be. Howsever, gude day, Mr. Keelevin, and we’ll be wi’ you on Wednesday by ten o’clock.’
In saying this, Claud, who had in the meantime risen from his seat, left the office without turning his head towards the desk where the clerks, as he walked through the outer room, were sitting, winking at one another, as he plodded past them, carrying his staff in his left hand behind him, a habit which he had acquired with his ellwand when he travelled the Borders as a pedlar.
CHAPTER XIX
On the Saturday evening after the instructions had been given to prepare the new deed of entail, Grippy was thoughtful and silent, and his wife observing how much he was troubled in mind, said,
‘I’m thinking, gudeman, though ye hae no reason to be pleased with this match Charlie has made for himsel, ye ken, as it canna be helpit noo, we maun just put up wi’t.’
To this observation, which was about one of the most sensible that ever the Leddy o’ Grippy made in her life, Claud replied, with an ill-articulated grumph, that partook more of the sound and nature of a groan than a growl, and she continued, —
‘But, poor laddie, bare legs need happing; I would fain hope ye’ll no be oure dure; – ye’ll hae to try an there be any moully pennies in the neuk o’ your coffer that can be spar’d and no miss’t.’
‘I hae thought o’ that, Girzy, my dawty,’ said he somewhat more cordially than he was in the practice of doing to his wife; ‘and we’ll gang o’er the morn and speer for Charlie. I wis he had na been so headstrong; but it’s a’ his ain fault: howsever, it would na be canny to gang toom-handed, and I hae got a bit bill for five score pounds that I’m mindit to gie him.’
‘Five score pounds, gudeman! that’s the whole tot o’ a hundred. Na, gudeman, I would hae thought the half o’t an unco almous frae you. I hope it’s no a fedam afore death. Gude preserve us! ye’re really ta’en wi’ a fit o’ the liberalities; but Charlie, or am mista’en, will hae need o’t a’, for yon Flanders baby is no for a poor man’s wife. But for a’ that, I’m blithe to think ye’re gaun to be sae kind, though I need na wonder at it, for Charlie was ay your darling chevalier, I’m sure nobody can tell what for, and ye ay lookit down on poor good-natured Watty.’
‘Haud that senseless tongue o’ thine, Girzy; Watty’s just like the mither o’t, a haverel; and if it were na more for ae thing than anither, the deil a penny would the silly gouk get frae me, aboon an aliment to keep him frae beggary. But what’s ordain’t will come to pass, and it’s no my fault that the sumph Watty was na Charlie. But it’s o’ nae use to contest about the matter; ye’ll be ready betimes the morn’s morning to gang in wi’ me to the town to see the young folks.’
Nothing more then passed, but Claud, somewhat to the surprise of his lady, proposed to make family worship that evening. ‘It’s time now, gudewife,’ said he, ‘when we’re in a way to be made ancestors, that we should be thinking o’ what’s to come o’ our sinful souls hereafter. Cry ben the servants, and I’ll read a chapter to them and you, by way o’ a change, for I kenna what’s about me, but this rash action o’ that thoughtless laddie fashes me, and yet it