Suster Lilian se babasorgboek: Tradisionele en natuurlike sorg. Lilian ParamorЧитать онлайн книгу.

      •Droog al die voutjies en plooitjies af sodra Baba tevrede is.

      •Smeer babaroom en -poeier volgens Baba se be­hoeftes aan en trek hom so vinnig moontlik aan.

      •Ignoreer enige gille van protes terwyl jy hom aantrek.

      •Ná ’n voeding of massering behoort Baba nou lank en rustig te slaap.

      •Ruim op terwyl jy werk sodat jy nie agterna met ’n morsige badkamer sit wanneer die nag daal nie.

      •Wees versigtig om nie Baba se gesig onder die water te druk terwyl jy haar boudjies in die bababad was nie.

      •Speel strelende musiek as Baba besonder angstig is of nie van water hou nie.

      •As Baba gedurende die nag sukkel om te drink en glad nie tot ruste wil kom nie, tap ’n diep, warm bad en voed haar daar. Sy sal binne 20 minute bedaar en rustig slaap.

      •Bestudeer jou baba se hele lyfie tydens badtyd – dit is die een tyd wanneer jy al die hoekies en draaitjies tegelykertyd kan sien en enige kommerwekkende tekens sal bespeur.

      •Nadat jy Baba uitgetrek het, is die ideale tyd om kielie-, rol- en ander speletjies te speel om jou kleinding te laat skaterlag en in ’n goeie bui te kry voordat jy haar bad.

      Vrees vir bad namate Baba ouer word

      ’n Weersin in bad en hare was is baie algemeen en veroorsaak dikwels probleme. Dit waai meestal vanself oor as jy nie te veel van ’n ophef daaroor maak nie. Moenie gejaag of angstig raak nie, want dit sal net ’n teenreaksie by jou kind ontlok. Hy sal die fase wel ontgroei, fokus dus op die lig aan die einde van die tonnel! ’n Mens moet bloot ’n praktiese manier vind om badtyd te hanteer, en een van die volgende voorstelle behoort ’n oplossing te bied. Raadpleeg ’n kindersielkundige indien ’n traumatiese voorval met water tot die probleem gelei het en hierdie wenke nie help nie. Intussen:

      •Bad saam met jou kleinding.

      •Plaas die bababad binne-in die groot bad of storthokkie.

      •Laat Baba ’n frokkie en oefendoek aanhou en was eenvoudig daaronder.

      •Spoel peuters in die somer buite onder die tuinslang af of was hulle buite in ’n groot skottel water.

      •Was jou kleinding met ’n waslap terwyl hy in die badkamer of in die bad regop staan.

      VROEË VOEDING EN GEWIGSTOENAME

      Borsvoeding

      Baba se voeding is aanvanklik een van die grootste en tydrowendste uitdagings, of jy nou bors- of bottelvoed. ’n Aanpasbare, selfs onkonvensionele benadering lewer die beste resultate; hou dus hierdie beginsels in gedagte, al sê wie ook wat. (Lees meer in die afdeling oor melkvoeding in hierdie gids.)

      •Vermy medikasie tydens kraam sodat Baba nie te lomerig is om korrek vas te suig nie.

      •Borsvoed so gou moontlik ná geboorte om die aangebore reflekse te stimuleer.

      •Laat Baba by jou in die kamer slaap om te voorkom dat hy ongewenste aanvullende voe­dings kry.

      •Maak seker dat sy korrek aan die bors vassuig – sien die wenke vir Dag Een.

      •Moenie volgens ’n skedule voed nie.

      •Onthou dat borsvoeding ná drie maande al hoe vinniger en makliker verloop.

      •Sorg dat jy gerieflik is terwyl jy borsvoed – sien die borsvoedingsposisies in die afdeling oor melkvoeding.

      •Drink water, kruie- of rooibostee wanneer jy dors is.

      •Plaas ’n koolblaar wat ’n paar sekondes in kookwater geblansjeer is 2 uur lank oor jou bors as jy pyn, klonte of rooiheid ervaar.

      •Beperk suiwel en koring in jou dieet as jy borsvoed.

      •Gebruik homeopatiese middels vir winderigheid en koliek soos ColicCare- en Chamomilla-tablette – die regte middel lewer gewoonlik baie bevredigende resultate.

      •Onthou dat dit nie net ’n fisieke taak is om jou baba te borsvoed nie, maar dat dit julle albei die unieke geleentheid gee om mekaar se nabyheid te ervaar en mekaar beter te leer verstaan.

      Bottelvoeding

      As jy van geboorte af hierdie opsie kies, sorg dat jy ingelig is oor die verskillende melkformules en botteltoebehore om te verseker dat jou ondervinding so positief moontlik is. Hou hierdie wenke in gedagte en lees meer in die afdeling oor melkvoeding in hierdie gids.

      •Moet verkieslik nie volgens ’n skedule voed nie en maak voorsiening vir Baba se individuele eetlus. Gebruik die voorgestelde hoeveelhede en voedingstye op die blik as ’n riglyn, eerder as ’n rigiede reël.

      •Onthou, dit mag ’n rukkie duur om aan ’n nuwe formule gewoond te raak; moet dus nie te vinnig na ’n ander soort oorskakel nie.

      •Kies ongeag die koste ’n spesiaal aangepaste formule as daar ’n familie­geskie­denis van allergieë is of as Baba ’n spesiale probleem soos gastriese terugvloeiing het.

      •Gebruik verkieslik ortodontiese tiete vir die beste moontlike ontwikkeling van die kakebeenstruktuur.

      •Gebruik ’n klein tiet vir pasgebore babas om te voorkom dat hulle stik.

      •Hou Baba altyd in jou arms vas terwyl jy haar voed ter wille van emosionele koestering.

      •Moenie jou baba laat plat lê terwyl jy haar bottel gee nie – ’n bietjie melk kan agter uit die keel tot in die buis van Eustachius in die oor loop en irritasie en moontlike oorinfeksies veroorsaak.

      •Berei melkformule met effens afgekoelde kookwater voor om dit meer verteerbaar te maak.

      Gewigstoename by babas

      Babas verloor aanvanklik 5–10% van hul geboortegewig. Daarna tel hulle 150– 250 g per week op, na gelang van erflike faktore, gesondheid, die soort melk en hoe goed julle albei by die voeding aangepas het. Borsbabas tel aanvanklik in die eerste maande vinniger gewig op, maar die tempo neem later af. Bottelbabas mag meer egalig gewig optel, of aanvanklik stadiger en later vinniger. Moenie jou te veel bekommer oor hoe vinnig Baba gewig optel nie, solank sy net gedy. ’n Baba verdubbel sy geboortegewig teen ongeveer die vyfde maand.

      MEER OOR KOLIEK EN HIK

      Talle ouers neem hul baba die eerste keer dokter toe omdat sy aanhou huil en niks wat julle doen blykbaar die kleintjie kan troos nie. Die gevreesde diagnose van koliek word dikwels gemaak, maar moenie bekommerd wees nie, neem die volgende ter harte en lees oor elke moontlike oplossing onder die son in die uitgebreide afdeling oor koliek in hierdie gids.

      •’n Harde, deurdringende gehuil tydens voedingstye, voortdurende winderig­heid, ’n rooi gesiggie en opgetrekte arms en bene dui op ’n gefrustreerde baba met ko­liek. Bied elke voeding in die vorm van ’n paar gange aan, voed soms tussendeur en gee ColicCare indien nodig.

      •Voortdurende knieserigheid terwyl Baba klaarblyklik groot dele van die dag pyn verduur, is net so pynlik vir die ma as vir die baba, maar homeopatiese Chamomilla-tablette sal die toestand aansienlik verbeter.

      •As Baba op voorspelbare tye van die dag huil, dikwels hik en melk opbring, en kragtige stoelgange het, gee die Sister Lilian weefselsout Mag. phos. voor elke voeding.

      •As Baba op Ma se angstigheid reageer en dit soos koliek lyk, probeer om jouself met homeopatiese Rescue Emotion te behandel om die situasie te ontlont.

      •Alle babas met koliek reageer goed as ’n mens hul magies regs om (met die klok) masseer met spesiale olies wat kamille en dille bevat.

      BABA SE VEL

      ’n Pasgebore baba se vel